لأول مرة بتفق مع طرح طلال أبو غزالة وذلك لسببين أساسيين:
١. كلامه جاء بتوقيت مناسب وبما يتوافق مع حاجتنا بهاي المرحلة لرأي مختص في موضوع التكيف الاقتصادي مع المرحلة القادمة.
٢. طلال ابو غزالة كشخص مهما تأثر وضعه الاقتصادي عنده منافذ يروحلها غير الاْردن في حال تفاقم الوضع، فهو مش مضطر يحكي الا من دافع حب لبلده.
اختلافنا مع طلال أبو غزالة على موضوع " الحقوق العمالية" _وهذا ملف طويل كثرت فيه المدارس والنظريات_ ما لازم ينسينا خبرة وقدرة الرجل على المساهمة بانقاذ البلد خصوصاً في مثل هاي الظروف ولو ع الأقل بفكرة.
اخيراً، مش مطلوب من طلال ابو غزالة يدفع مصاري للبلد بقدر ما هو مطلوب منه يفكر هو واللي زيه من الخبراء بكيف ممكن ننقذ اقتصادنا بعد هاي الأزمة ويمكن هاد الموضوع مش كثير ناس مفكرين فيه خصوصاً من المبسوطين على فكرة الدلع اللي احنا فيه، واللي بنتظر الاْردن تعمل زي امريكا وتوزع رواتب ع الناس بدون ما يسأل من وين بدها تيجي المصاري.
برجع بقول، نختلف كثيراً على صواب رأي طلال ابو غزالة وخطأه بموضوع "الحقوق العمالية" ونظرته للموضوع، بس انا ما شفت كلامه غلط لما يحكي بمستقبلنا الاقتصادي بغض النظر عن أسلوبه بتقديم الفكرة.
ملاحظة: ما دفعلي ع البوست
#جاستافيلينغ
×
![img]()